Mga Duwa’ng Kinaraan

Patentero, bato-lata, dakop-dakop, langit-lupa, shatong, tsinelasay, tago-tago ug uban pang mga duwa’ng kinaraan.  Subo kaayong pamalandungon nga panagsa nalang ta makakita nga duwaon sa mga bata.  Sa una, kadtong bata pa ko, hilig kayo ko muduwa ug shatong hasta bato-lata.  Muduwa sab ko ug tago-tago, hilabi na kung ang imong kadungan ug tago kay ang imong crush, pagkalami sa paminaw. 

 

Kaning mga duwaa dili lang maghatag ug lingaw sa usa ka bata, kung di usa sab ni siya ka ehersisyo.  Sa mga pagtuon karon, ang mga bata nga ga-edad ug sais anyos pataas dili na nimo makita mag dagan-dagan sa gawas, kanunay lang nga ga-atubang ug ga tuplok sa ilang mga kompyuter.  Ga sige lang ug lingkod, ug usahay man gani nganha na sa atubangan sa kompyuter makatulog.

 

 Matod pa sa usa ka doctor, nga ang bata nga dili mag lihok-lihok ug walay ehersisyo kay posibleng masakit sa kasing-kasing. 

 

Kani sa’ng teknolohiya sah, mao sab gyuy gahatag nato ug sakit.  Sakit sa mata, sakit sa ulo kung sige ka lang ga-atubang sa telebisyon, celpon ug kompyuter, ug sakit sab sa bulsa kay dako na kayo ka nga mabayaran sa koryente.

 

Pero ang labaw nga pina ka importante sa tanan para nako, gawas sa panglawas ug dakong bayranan sa koryente, kay ang pag-balik sa mga kinaraang mga duwa.  Panagsa nalang gyud ko makakita nga naay mag-duwa ug patentero ug di ko ganahan nga dili na makakita aning mga duwaa, ugma damlag.  Naa na kini sa kultura sa Pilipinas, ug dili angay wagtangon ug hikalimtan.  Sama ra sab nga atong gikalimtan ang mga dugo sa atong mga bayani nga nagbanaw ug nabubu sa atong yutang tabunon.

 

Hinaot nga mahibalik ning mga duwaa.

cebuano blogger | cebu events
Advertisements

4 Responses so far »

  1. 1

    Bai, lahi na ang duwa sa bag-ong panahon. Ang mga pulis sa dakbayan nakigpatintero sa mga street gangs. Ang mga pulitiko sige lang bato-lata sa ilang mga way kapuslanan nga mga imbestigasyon, pork barrel ra diay ang gusto, dili na sila sa lata (kay gamay ra). Ang mga tulunghaan nga pribado sige’g paumento sa tuition, ang mga ginikanan mura’g nagkig-shatong hinoon sa kapit-os. Ang mga manag-uyab, sige’g tsinelasay, pagkaigo, siyam ka bulan ang bukol. Apan ang pinakanindot nga duwa bai mao ang tago-tago ug dakop-dakop. Ang uban sige’g tago sa kamatuoran, dili ipagawas ang mga papeles nga mao unta maghatag sa kahayag. Hala, sige dakop, hala, sige tago.. hehehe.. Ang uban nagpakaaron-ingnon nga naay gidakop pero wa diay. Ambot lang!

  2. 2

    suede said,

    sakto jud ka bai. dugay na ko gahuna huna ani nga sitwasyon nato ron nga basin maabot ang panahon nga wala nay makaila sa atong karaan nga mga duwa sa una. part raba unta na sa atong culture.

    maybe we can try and do something about it. no matter how small. something like makigtago ta sa atong crush! kagilok! hehehe.

    linked you up bai!

  3. 3

    Bai, kadalula mo atong “Iring-Iring Gukura”? Ganahan baya mi kaayo magdula ato. Ako dayon ang ilaga.. hehe. Dili lang gyod ko motug-an nga ang pinakapaborito nako ang dakop-dakop. Dali ra man ko makadakop. Hehehe.

  4. 4

    clado said,

    @batang buotan
    ako, basta dakop-dakop pirmi ko nga hago tungod sa kadako sa tiyan, hinay na nga mudagan 😆

    @suede
    basin kanang duwaa kuyug sa imong crush bai kay mahimo ug balay-balay
    “ikaw ang mama, ako ang papa, unsaon pag himo ug bata?” 😈


Comment RSS · TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: